Gebruik Jou Verbeelding

Verveeld? Nooit weer nie! Hierdie boek bevat meer as 250 ongelooflike dinge wat jy kan maak en doen. Kinders kan hulle elektroniese toestelle afskakel en hulle kreatiwiteit vrye teuels gee met speletjies, uitdagings, handwerk en hope ander prettige idees. Bou ‘n minigholfbaan, hou ‘n skattejag, of leer hoe om ‘n spioen te word. Dit is tyd om jou verbeelding te gebruik! Hierdie boek is die perfekte boek vir ouers wat iets soek om hulle kinders deur die lang skoolvakansie mee besig te hou sonder dat hulle heeldag voor ‘n rekenaar- of TV-skerm sit. Gebruik jou verbeelding is stampvol prettige idees. Neem dit oral saam met jou om verveelde kinders besig en vermaak te hou. Of dit nou ‘n reenerige oggend of ‘n sonskyn-middag is, sal jy genoeg hê om te maak, doen en speel.