Best Books Se Gegradeerde Leesreeks HT

Die Best Books Gegradeerde Leesreeks vir Graad 1–3 Huistaal is geskryf en saamgestel deur die skrywers van die Nuwe Alles-In-Een-reeks, en volg ’n holistiese geïntegreerde benadering ten opsigte van lees- en taalonderrig.

Elke leesboek bevat spesiale gegradeerde leesmateriaal, hersien bekende klanke en stel nuwe klanke bekend. Dié klanke stem ooreen met die lesbeplanning soos dit in die Kurrikulum- en assesseringsbeleidsverklaring vir Afrikaans Huistaal uiteengesit is, en volg so die stelselmatige progressie van klanke. So help die gegradering om kinders se fonemiese bewustheid te kweek, geskrewe en gesproke taalvaardighede aan te leer en vas te lê, woordeskat te verbreed en woordbegrip te toon. Die teks neem ook die kind se ontwikkeling van die korttermyngeheue in ag, en fokus daarop om die kind se oogspan te verwyd sodat hulle stelselmatig hulle leesspoed verbeter. Met gradering, raak die inhoud van elke vlak al moeiliker ten opsigte van woordeskat, sinskontruksie, leestekengebruik, en so meer, om vlot aan die einde van die Grondslagfase te lees en verdere onderrig ontvang.

Vir optimale leesonderrig mag die kind liefs eers die volgende leesboek ontvang, mits hulle die woordeskat, sigwoorde, klanke, ouditiewe en visuele vaardighede, sowel as die aktiwiteite (ingesluit vanaf Vlak 5) bemeester het. Die aktiwiteite is nie net begripsleesaktiwiteite nie, maar fokus ook op taalontwikkeling gebaseer op die leesteks in die leesboek. Die leesboeke  en kritiese denkvaardighede  se inhoud bemeester het en die inhoud vlot kan lees. Sommige kinders in Graad 1 en 2 kan ook leesboeke in ander gevorderde vlakke lees, afhangende van hulle leesvermoë of andersom.

Die gebruik van die Best Books Gegradeerde Leesreeks sal die gemiddelde kind se Afrikaanse leesvermoë redelik maklik bevorder. Ons hoop dat dié reeks ’n liefde vir lees by eerste jong lesers sal aanmoedig en kweek.