Nooit Is n Lang, Lang Tyd

’n Lekkerlees-roman oor die liefde, leuens, geheime, kinders, kilojoules en mans. En bowenal, oor vriendskap. Drie boesemvriendinne in hul veertigs gaan hou saam vakansie by die see. Net om agter te kom elkeen van hulle bewaar al jare lank ’n geheim wat die ander nie durf weet nie. Daleen, Karien en Amelia word gedwing om homoseksualiteit, ontrouheid en alkoholisme te konfronteer – terwyl hulle probeer om hulle jare lange vriendskap te behou. Die karakters word so getrou uitgebeeld dat ’n mens aan die einde van die verhaal voel jy sê tot siens vir jou vriendinne. Deur die skrywer van Dis ek, Anna, nou onder haar eie naam.