Kopskoot

Reeksmoordenaar, of wraak? Toe iemand Kaapstad se ses-en-vyftigjarige mans begin afmaai, is dít kaptein Kassie Kasselman se dilemma. Boonop word hy aangesê om ‘n skilderyvervalsing te ondersoek. En dan’s daar die glibberige aktuaris met die voorliefde vir prostitute – óók ses-en-vyftig – wat die leisels van ‘n groot maatskappy gaan neem, as sy afperser nie die oorhand kry nie. Sal Kassie sy aaklige nuwe gesondheidsdieet oorleef om te kan ondersoek hoe dit alles inmekaar steek?